சனி, மே 2
தாலி
பண்பாட்டின் சடங்கா?
பாவையின் அங்கமா?
எண்ணில்லா வடிவமா?
எதற்கென்று தெரியுமா—
பெண்ணினை அடிமையா,
பேரண்டம் முழுமையா?
கண்ணியாய் கைவிரலில்,
கழுத்தினில் கட்டியதோ?
அத்துகட்டி வாழ
அவளுக்குச் சுதந்திரமா?
வித்துபுட்டு குடிக்க
வீட்டிலிருக்கும் பண்டமா?
நித்தம் சுமங்கலியா,
நீங்காத அணிகலனா?
செத்துபுட்டா அறுத்து
செல்வியாக முடியுமா?
இடைஞ்சலென இரவில்
இலட்சினையைத் துறப்பதில்,
உடையவனும் உடன்பட,
ஊமையாய் கிடுமூரே;
அடையாள அடிமையிடம்
அக்கறை இல்லையெனில்,
மடைமாறும் அன்புதான்
மகமாயி மகிழ்ந்திடவே.
அருஞ்சுவை அன்பும்
அருகாமை இன்பமும்
கருப்பை நிரப்பல்ல
களிப்புடன் வாழ்ந்திடவே
பெருஞ்சுமை என்றானால்
பெரும்புராணம் ஏதுமின்றி
விரும்பியவழிச் சென்றிட
விவேகம் என்றறிந்தே
அச்சத்தில் ஆண்டாண்டு
அடையாள மாக்கியதை
துச்சமென தூக்கிவீசி
துணையிது வல்லவென்றே
இச்சமயம் இவளுரைக்க
இச்சட்டங்கள் மாளட்டுமே
சச்சரவின்றி சரிசமமாய்
சமூகத்தில் வாழட்டுமே
அ. வேல்முருகன்
இதற்கு குழுசேர்:
கருத்துரைகளை இடு (Atom)
கொற்றவனை வென்றவளே
சிலையே செந்தமிழே சிற்பியாய் செதுக்கவா கலையா நினைவுகளில் காதலைச் சொல்லவா இலைமறை காய்போல இச்சொந்தம் இருக்குமோ மலைநாடன் மாலையிட மாநிலம் அறியுமே...
-
யாரும் யாரையும் காட்டிக் கொடுக்காத சனநாயகத்தில் தன்னாட்சி நிறுவனங்கள் கால் நக்கிப் பிழைத்திட காக்கிச் சட்டைகள் கலவரங்களைத் தூண்டுது நீதியை ம...
-
வந்தேறிகளின் நாட்டில் வந்ததொரு தேர்தல் வாக்கு சேகரிக்க வரிந்து கட்டின கட்சிகள் பாரதத்தில் பார்க்காததையா பலமிழந்த அமெரிக்காவின் பாராளுமன்றத்...
-
மனங்கவர் கள்வன் மாலையில் வருவான் கனவுலகம் படைத்து களிப்புறச் செய்வான் நாட்கள் செல்ல நாநிலம் அறிந்தது நாட்டம் கு...
-
முத்தங்கள் - மூச்சடக்கி மோகனம் படிப்பதோ? ரத்தங்கள் சூடேறி ரசவாதம் நிகழ்த்துவதோ? ஒத்திருந்து பொழிந்தே ஒருமனப்படுவதோ? பித்தம் தெளிவது...
-
தாமரை நீர்நிலைகளை ஆக்கிரமிக்க கைகள் சலனமற்று இருக்கிறது இலைகள் உதிர்ந்து கொண்டிருக்க திடீரென விசில் சத்தங்கள் கதிர் அரிவாள் சுத்தியல் ...
கருத்துகள் இல்லை:
கருத்துரையிடுக