ஞாயிறு, நவம்பர் 18

பெல்ஜியம் கண்ணாடி


கிரேக்கத்தின் பேரழகியாய்
இங்கிலாந்து ராணியாய்
என்தேவி நீயாகிட

பிக்காசோவும்
ரவிவர்மனும்
வருவார்களடி

சீனப்பட்டு வாங்கினேன்
சித்திரமாய்
சிங்காரமாய் தெரிய

ஆப்பிரிக்க வைரத்தை
ஆரணங்கே நீயணிய
அத்தானும் மயங்குவேனே

இத்தாலி காலணியில்
இன்னும் ஒய்யாரமாவாய்
என்னினிய பொன்மணியே

அத்தரும் ஜவ்வாதும் அந்தகாலம்
ஆதலில் அமெரிக்காவின்
“டாமி கேர்ல்” வாங்கினேன்

மருதாணியும்  வெண்ணையும்
மாறிமாறி வெளுக்குமடி
மாறிக்கொள்ள நாகரிகத்தின்

ரெவ்லானின்
உதட்டுச் சாயமும்
நகப் பூச்சும்
ரசிக்க வைக்குமடி

ஊரெல்லாம் சுற்றினாலும்
உள்ளூர் ஜாதிமல்லி
ஊட்டி ரோஜா
உனக்கென வாங்கினேன்

ஆகா
அத்தனையும் வாங்கினேன்
அத்தை மகளே
ஆனால்

பலமணி செலவிட்டு
பலமுறை சரிசெய்து
பக்குவமாய் வைத்திட

பேரழகே
பெல்ஜியம் கண்ணாடி
கிடைக்கலியே
என்ன செய்ய

5 கருத்துகள்:

திண்டுக்கல் தனபாலன் சொன்னது…

எத்தனை பொருட்கள் தேவைப்படுகிறது...!

கண்ணாடியாய் நீங்கள் இருக்க...
பெல்ஜியம் கண்ணாடி எதற்கு...?

அசத்திட்டீங்க... ரசித்தேன்...

Sasi Kala சொன்னது…

ஊரெல்லாம் சுற்றினாலும்
உள்ளூர் ஜாதிமல்லி
ஊட்டி ரோஜா
உனக்கென வாங்கினேன்..

அடடா தேடித்தேடி அல்லவா வாங்கி இருக்கிங்க. அழகு அழகு.

Gnanam Sekar சொன்னது…

சரியாக சொன்னீர்கள்

Srini Vasan சொன்னது…

கடைசியில் கிடைக்கவில்லை என்று முடித்து விட்டீர்களே !

அ. வேல்முருகன் சொன்னது…

நகைச்சுவை தலைப்பில்தான் இதை எழுதியுள்ளேன். ஒரு பெண்ணிடம் இத்தனையும் வாங்கி கொடுத்து விட்டு. கண்ணாடி கொடுக்காமல் விடுங்கள். என்ன நடக்கிறது என்று பாருங்கள்

காவி காதல்

அண்ணலும் நோக்கினான் அவளும்  நோக்கினாள் அம்மண மாக்கப்பட்டார்கள் அவர்கள் தலித்தென்பதால் கண்களால் கனிவது காதல் உணர்வு அம் மனஉறவ...