உள்ளத்து மொழியில் பேசிடவே
உண்மை உரைப்பேன் தோழர்களே
தெள்ளத் தெளிவா கூறிடுவேன்
தென்சீமை தமிழ் உயர்ந்ததுவே
அள்ள அள்ள அமுதாவதை
ஆங்கிலத்தில் டமில் என்றுரைப்பதோ
கொள்ள வேண்டிய தமிழை
கொல்ல துணிந்தீரே தோழரே
மின்னும் அழகை ரசித்து
மீண்டும் தவறு செய்கிறீரே
தின்னும் யாவும் நல்லதல்ல
திகட்டி விடாதோ தோழரே
பொன்னும் விஞ்சும் ஒளியாய்
பொதிகையில் தவழ்ந்து வருகிறாள்
இன்னும் அவள் கன்னியாய்
இந்த உலகில்தான் வாழ்கிறாள்
அம்மா என்ற தமிழோ
அந்தோ மலர்ந்தது மம்மி
சும்மா சொல்லக் கூடாது
சொரணையில் இவர்கள் டம்மி
இம்மா மொழியின் பெருமை
இவ்வுலகில் யாருக்கு கம்மி
எம்மா புகழ் வந்தாலும்
என்மொழிக்கு இடரில்லை இம்மி
கருத்துகள் இல்லை:
கருத்துரையிடுக