புதன், ஏப்ரல் 14

விழிபேசும் மொழியென்ன கேட்கிறேன்



விழிபேசும் மொழியென்னக் கேட்கிறேன்
    விடுகதையா, விடையா வினவுகிறேன்
மொழிபெயர்க்க அகராதித் தேடுகிறேன்
    மொழிகளின் வகைதனை அறிகிறேன்
பொழிகின்ற அன்பைதான் காண்கிறேன்
    பொல்லங்கு ஆகுமோ புரியலையே
வழிவழியாய் வந்தவர்களை நாடுகிறேன்
    வாலிப வயதென வாழ்த்துகின்றார்

ஆழிப் பேரலையாய் மனமுறிவு
    ஆதலினால் வந்தது மணமுறிவு
பழிபேசும் சமுகத்தைக் காண்கின்றேன்
    பகல்கனவா வாழ்க்கை யோசிக்கிறேன்
இழிவோ மறுவாழ்வு இவ்வுலகிலே
    இணையாய் வருவதற்கு இடைஞ்சலோ
வாழியகா தலென்று வருவாயோ!
    வழியில்லை எனகத வடைப்பாயோ?

ஏழிசையில் ஆரோகணம் அவரோகணம்
    எப்படி இசைத்திடவும் இனிமையே
பழிப்பரென இளமையை இழக்கலாமோ
    பாரென வாழ்வது இலக்கணமே
தோழியாய், இணையாய் இணையலாம்
    தோற்பது நம்முடைய இலக்கல்ல
வீழ்வது விதிவசமென முடங்காது
    வாழ்ந்துக் காட்டுவோம் வாழ்க்கையை
By at
Labels:
இதற்கு குழுசேர்: கருத்துரைகளை இடு (Atom)

பொங்கும் மனம்

        மனங்கவர் கள்வன் மாலையில் வருவான் கனவுலகம் படைத்து களிப்புறச் செய்வான் நாட்கள் செல்ல நாநிலம் அறிந்தது நாட்டம் கு...

  • ஓட்டுத் திருட்டு
    யாரும் யாரையும் காட்டிக் கொடுக்காத சனநாயகத்தில் தன்னாட்சி நிறுவனங்கள் கால் நக்கிப் பிழைத்திட காக்கிச் சட்டைகள் கலவரங்களைத் தூண்டுது நீதியை ம...
  • முத்தங்கள் - மூச்சடக்கவா?
      முத்தங்கள் - மூச்சடக்கி மோகனம் படிப்பதோ? ரத்தங்கள் சூடேறி ரசவாதம் நிகழ்த்துவதோ? ஒத்திருந்து பொழிந்தே ஒருமனப்படுவதோ? பித்தம் தெளிவது...
  • நூல் விமர்சனம்
    ஆவணங்களின் அடிப்படையில் எழுதப் பட்டதாக இதன் ஆசிரியர்கள் சொல்கின்றனர்.  இதில் சொல்லப்படுகிற நிகழ்வுகள் மற்றும் ஆசிரியர்களின் கருத்துக்கள...
  • காக்க முடியாதவன் கடவுள்
    ஆரணியில் ஆரம்பித்தது அரகரனின் அச்சு முறி     விளையாட்டு ஆட்டத்தில் அரங்கனும் அங்கம் வகிக்க அடுத்து சூடு பிடித்தது அரகரனும் அரங்...
  • மண்சோறுண்டால் குழந்தை
    தாயென்றாய் தாரமென்றாய் தெய்வமென்றாய் பெண்ணை தாரம் தாயாக தின்ன வைத்தாய் மண்ணை கரு உருவாக காதல் வேண்டும் அல்ல சோதனைக்குழாய் ...