கால விரயத்தில்
கருப்பு பணத்தை
காயடிப்பதாக கூறியவன்
கஷ்டப்படும் எங்களுகிட்ட பெயர்
பதினைந்து இலட்சம்
ஐம்பது நாட்கள்
அறுபத்தாறு பிணங்கள்
அவர்கள் இட்ட பெயர்
“கேமன்” தீவுகள்
“கேத்தன் தேசாய்கள்”
பக்த கோடிகள்
பாமரன் எங்கள் பெயர்
“ரிலையன்ஸ் பிரஷ்”
“பிக் பஜார்”, “ஃபண்டலூன்”
பாரத் மகான்கள்
சில்லரை வணிகனின் பெயர்
“கார்பரேட்” மருத்துவமனைகள்
சுயநிதி கல்லூரிகள்
“ரியல்” எஸ்டேட் நல்லவர்கள்
சவாலில் வைத்த பெயர்
இம் என்றால் சிறைவாசம்
ஆம் என்றால் பக்தவிலாசம்
“ஹே ராம்” என்றேன்
ஆயினும் அவர்களிட்ட பெயர்
பாடுபட்டு உழைத்தது கருப்பாம்
“பனாமா” என்றால் வெளுப்பாம்
“P” நோட்டு பக்தன்
எனக்கிட்ட பெயர்
ஆயிரம் ஐநூறு கருப்பா
நூறும் ஐம்பதும் வெள்ளையா
நூறு கேள்வி எழுப்ப
நோகாமல் வழங்கப்பட்ட பெயர்
