சனி, பிப்ரவரி 10

வலி

      




பார்வையால் வீழ்த்தி 
வார்தைகளால் வாட்டிடும்
ஏரார்ந்த கன்னியவளை
எங்ஙனம் பகைத்திடுவேன்

அத்தனை ஆசை
அவளிடம் கொண்டதால்
சித்திரத்தை பழிக்காது
சிரித்துச் செல்வேன்

ஊடல் கொண்டதில்
ஓர் இடைவெளி
வாடல் தொடராதிருக்க
ஐக்கியமாவதே வழி

அன்பைச் சோதிக்க
அவள் உதிர்ப்பவை
அறமற்றது என்பதால்
அமைதி காத்திடுவேன்

இடைவெளி காலத்தில்
ஏங்கிய நினைவுகளால்
கடைச்சங்கப் புலவன்
கன்னியிடம் ஏதோ உரைக்க

உண்மையா பொய்யா
உதடுகள் படபடக்க
ஓராயிரமுறை புலம்பியவளிடம்
ஒன்றுமில்லையென நகர்தேன்

வஞ்சியை வஞ்சிக்கல்ல
வலிதனை உணர்த்திட
வாடியவளுக்காக வாடினேன்
வாடாதிருக்க பாடினேன்.
By at கருத்துகள் இல்லை:
Labels:
இதற்கு குழுசேர்: இடுகைகள் (Atom)

பொங்கும் மனம்

        மனங்கவர் கள்வன் மாலையில் வருவான் கனவுலகம் படைத்து களிப்புறச் செய்வான் நாட்கள் செல்ல நாநிலம் அறிந்தது நாட்டம் கு...

  • ஓட்டுத் திருட்டு
    யாரும் யாரையும் காட்டிக் கொடுக்காத சனநாயகத்தில் தன்னாட்சி நிறுவனங்கள் கால் நக்கிப் பிழைத்திட காக்கிச் சட்டைகள் கலவரங்களைத் தூண்டுது நீதியை ம...
  • முத்தங்கள் - மூச்சடக்கவா?
      முத்தங்கள் - மூச்சடக்கி மோகனம் படிப்பதோ? ரத்தங்கள் சூடேறி ரசவாதம் நிகழ்த்துவதோ? ஒத்திருந்து பொழிந்தே ஒருமனப்படுவதோ? பித்தம் தெளிவது...
  • மண்சோறுண்டால் குழந்தை
    தாயென்றாய் தாரமென்றாய் தெய்வமென்றாய் பெண்ணை தாரம் தாயாக தின்ன வைத்தாய் மண்ணை கரு உருவாக காதல் வேண்டும் அல்ல சோதனைக்குழாய் ...
  • காக்க முடியாதவன் கடவுள்
    ஆரணியில் ஆரம்பித்தது அரகரனின் அச்சு முறி     விளையாட்டு ஆட்டத்தில் அரங்கனும் அங்கம் வகிக்க அடுத்து சூடு பிடித்தது அரகரனும் அரங்...
  • மல்லையாவும் கிங் பிஷ்ஷர் நிறுவனமும்
    நாட்டில் எல்லா முதலாளிகளும் சொந்த காசில் நிறுவனம் ஆரம்பித்து நட்டப்பட்டு தலையில் துண்டு போட்டு கொண்டனர் என நம்பும் மக்களுக்காக மேலே உள்ள ப...