வியாழன், நவம்பர் 19

கொற்றவனை வென்றவளே





சிலையே செந்தமிழே
சிற்பியாய் செதுக்கவா
கலையா நினைவுகளில்
காதலைச் சொல்லவா

இலைமறை காய்போல
இச்சொந்தம் இருக்குமோ
மலைநாடன் மாலையிட
மாநிலம் அறியுமே

ஏழ்பிறப்பும் என்னிணை
நீயென்று ஏடெழுதவா
யாழிசைத்து யௌவனத்தின்
இரட்சகியாய் உனையாக்கவா

வீழ்ந்தாலும் எழுவேனென
வித்தையினை நிகழ்த்தியே
வாழ்வின் நொடிகளில்
வரலாற்றை உருவாக்கடா

நெஞ்சில் நிறைந்தவனே
நெடும்பயணத் துணையே
எஞ்ஞான்றும் நீங்கேன்
என்னுயிர் உள்ளவரை

கொஞ்சங் கொஞ்சமாய்
கொற்றவனை வென்றவளே
நெஞ்சு கலந்தபின்
நெஞ்சக்கூடு நீதானடி


அ. வேல்முருகன்



கருத்துகள் இல்லை:

கொற்றவனை வென்றவளே

சிலையே செந்தமிழே சிற்பியாய் செதுக்கவா கலையா நினைவுகளில் காதலைச் சொல்லவா இலைமறை காய்போல இச்சொந்தம் இருக்குமோ மலைநாடன் மாலையிட மாநிலம் அறியுமே...