புதன், ஆகஸ்ட் 3

சமச்சீர்



சீரற்ற நாட்டில்
சமச்சீரென்றால்
சரியா

அம்பானியும்
தாராவியும்
ஒன்றா

அரசு மரத்தடியும்
ஐந்து நட்சத்திரம்
இணையுமா

எதையும் காசால் வாங்குபவனும்
இலவசத்திற்கு ஏங்குபவனும்
எடையில் நிற்பார்களா

அரசு பள்ளி
மெட்ரிக் பள்ளி
அருகில் வரலாமா

அமெரிக்க ஏற்றுமதி
அம்பத்தூர் தொழிற்பேட்டையில்
ஆழ காலூன்றுமா

அவாளும் இவாளும்
அதையே படித்தால்
கலி முத்தாதோ

இரு துருவங்கள்
எந்த அறிவியலில்
சந்திக்கும்

சமச்சீரென்பது
சண்டாளர்களின்
சதியாகும்

பள்ளி செல்லுங்கள்
பழைய பாடம்
படியுங்கள்


அம்மா சொல்கிறேன்
குலகல்வியே
குடும்பத்தை காக்கும்

கருத்துகள் இல்லை:

மேல்பாதி திரௌபதி

ஆறுகால ஆராதனையின்றி அம்மன் அவதியுறுவதாய் ஆங்கொரு புலம்பல் அரவமில்லாது ஆலயத்தை திறந்து ஆராதனை முடிந்தவுடன் மூடிடவும் பக்த கோடிகள் பக்கம் வந்த...