சட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
சட்டம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், ஜூலை 30

அகங்கார ஆட்டம்

 
















அதிகாரம்
அகங்காரத்தில்
ஆட்டம் போடுகிறது

எல்லையற்ற
எத்தேசதிகாரத்தால்
எதிரியை அடக்க நினைக்கிறது

இழப்பதற்கு
ஏதுமில்லாததால்
எதிரியோ எதிர்த்து நிற்பர்

வீரனைக் கோழையென்று
விவாதித்து
வீணில் மகிழ்வர்

ஊரெல்லாம் தூற்றினாலும்
உறுத்தல் இல்லாது
உலா வருவர்

நடுக்கத்தை
நாற்காலியில் அமர்ந்து
நகையாடி மறைப்பர்

வேதத்தை துணைக்கழைத்து
கொலைக்கானத் தண்டணை
இல்லையெனத் தீர்ப்பெழுதுவர்

பரிபாலினத்தை
பக்கச் சார்புடன்
பகிரங்கமாய் செய்வர்

இயற்கை நீதியின்
இறக்கொடித்து
இறைத் தீர்ப்பென்று கூறுவர்

இத்தனையும் யாதென்று
இங்கிருப்போர் கேட்போரானால்
இதுதான் நாட்டுநடப்பு என்பேன்

அ. வேல்முருகன்

வெள்ளி, ஜூன் 5

பன்றி கறி







வேணுகோபலனுக்கும்
இராகவேந்திரனுக்கும்
பன்றிக் கறிப் படைத்திட
பதைபதைத்தது கோவை

கண்ணப்பன் நாயனாரானார்
ஹரி என்கிற
ராம் பிரகாஷ் நாயனாராவதை
இந்துக்கள் தடுத்து விட்டனர்

வராக அவதாரமெடுத்து
பூமியைக் காப்பாற்ற
ஆயிரமாண்டுகள் போர் செய்து
அசுரனை வென்றவர்

ஐந்து மணி நேரத்தில்
மறைகாணியில்(CCTv)
படையிலிட்டவனைக் கண்டுபிடிக்க
மலைத்து நிற்கிறார்

பகவான் மலைக்கலாம்
பலரறியப் படையிலிட்டால்
பாரத் ரத்னா
பட்டம் அளித்திருக்கலாம்

யாருமறியாததால்
இஸ்லாமியர் கலங்கினர்
ஆட்டுக் கறிக்கே
அக்லக் அல்லாவிடம் சென்றதனால்

நன்றிகள்
நகர காவல் ஆணையருக்கு
சொன்னது இஸ்லாமியர்களா
நாம் மனிதர்கள்







வியாழன், மே 28

இரண்டாவது தூண்





நீதி நியாயம்
நாட்டில் இருப்பதாய்
நம்பிக்கை

நம்பாதே என்று
நியாயவான்கள்
நிரூபித்தும் விட்டார்கள்

நான்கு தூண்கள்
ஓரணியில் 
நாமெல்லாம் உதிரிகளாய்

முதல் தூணுக்கு
முட்டுக் கொடுப்பதே- மற்ற
மூன்றின் வேலை

மூன்று நாட்கள் அவகாசமிருந்திருந்தால்
மூட்டை முடிச்சுகளை தூக்க
அரசியல் கூலிகள் தேவைபட்டிருக்காது

மூன்று மணி நேரத்தில்
முழு அடைப்பு – அது
அதிகாரத்தின் பல்லிளிப்பு

ஊரடங்கில்
ஊர் போகும் வழியென்று
ரயில் போகும் பாதையில்

வாராது என நினைத்து
வந்தக் களைப்பில்
தலை வைத்தான்

கல்லக்குடிக் கொண்டோனென
கௌரவப் பட்டத்திற்கா
தன்குடியோடு வாழ 

சாகதான் வேண்டுமென 
சட்டம் காப்பவன்
சதிராடினால்

இந்த தேசத்தை விட்டு
இந்த மயானத்தை விட்டு
எங்கு செல்ல

பாதம் புண்ணாகி
பசியால் நெருப்பாகி
பாதியிலே போனவளை

ஏழுப்ப சுவிசேஷர்களில்லை
போர்வையை ஏழுப்புகிறது
புரியாத பிள்ளை

சோற்றுக்கு முறையிட
முகாம் இருக்கிறதென
மூடிவிடுவது நீதி

கால்நடைகளாய் மனிதர்கள் 
நிர்கதியாய் விட்ட
ஜனநாயக நிதர்சனங்கள்


நீதி வேண்டுமானால்
கண் திறந்து தராசை பிடி
கையில் வாளோடு



வியாழன், நவம்பர் 19

தேவதையின் துலாக்கோல்




கருப்பு அங்கிகளின்
கௌரவம் காக்கும்
தேவதையின் துலாக்கோல்
கண்கட்டு வித்தை

விருப்பு வெறுப்பின்றி
விறுவிறுப்பான வியாபாரம்
வியாக்கியானம் தேவையில்லை
அங்கீகரிக்கப்பட்டது

கொள்ளையர்களிடம் மனசாட்சியை
தட்டியெழுப்பும் துலாக்கோல்
இல்லாதவர்களிடம் இரக்கமின்றி
இ.பி.கோவை நீட்டி முழக்கும்

தில்லை நடராசனுக்கு
தீச்சட்டி வாரிசுகள்
தீட்சிதர்கள் மட்டுமேயென – ஆகம
விதியெழுதும் துலாக்கோல்

பளுவிற்கேற்ப
பணம் நிரப்ப
துல்லியமாய் நிற்கும்
துலாக்கோல் – கண்கட்டு வித்தையல்ல

பணம் குறைந்தால்
இ.பி.கோவை ஏற்றி
சட்டம் கடமையை
செய்ததாய் சப்பைகட்டும்

கௌரவ கொலைகள்
காணாத மலைகள்
தாதுமணல் குழிகள்
தப்பிக்கும்வழி – துலாக்கோல்

மாட்சிமை தங்கியவர்கள்
மரபுகளுக்குள் ஒளிந்தனர்
மாண்புகளை காக்கவேண்டுமென
வேதம் ஓதுகின்றனர்

தட்டில் நிறுத்தப்படுவது
குற்றமா? நீதியா?
பணமா? பதவியா?
நேர்மையா? குறியீடா?

சட்டமியற்றுபவன்
சட்டம் படித்தவனா
சமூக அக்கறையாளனா? – அட
ஓட்டுப் பொறுக்குபவன்

ஓட்டுப் பொறுக்கிகளின்
ஓட்டை உடைசலுக்கு
பேரிச்சம் பழமளிப்பது
துலாக்கோலின் வேலை

துல்லியமில்லா துலாக்கோலென
தூக்கியெறிய - பாராளுமன்றத்தில்
மூன்றில் இரண்டு
முணுமுணுக்க வேண்டும்

ஊழல் மேடையை
உடைக்கா சுத்தியலை
அடை காப்பதால்
எடையில் மாற்றமில்லை

குடி ஆட்சியில்
நீதி அரசர்கள்
குறுநில மன்னர்கள்
கப்பம் கட்டுகிறார்கள்

பிஆர்பி, வைகுந்தராஜன்
அம்பானி, வேதாந்தா அகர்வால்
டாட்டா பிர்லா இன்னும் பிற
கல்வி வள்ளல்கள்

சதவிகிதங்களில் பேரமென்பதால்
சதவிகிதங்களில் ஆமோதிப்பு – ஆம்
25 சதவிகிதம் ஊழல்
துலாக்கோல் ஒப்புதல்

விசாரணை – விலையென்ன?...
கேள்விதானே? – விலையா?..
கைது!!!! உடன்படுகிறாயா – இது
கட்டை துலாக்கோல்

கேள்விகள் கேட்கப்படும்
ஆம் இல்லையென்றே
அரற்ற வேண்டும் – இல்லையெனில்
புழலுக்கு செல்ல வேண்டும்

எதிர்கேள்வி துலாக்கோலை
எதிர்பதாகும்  - துல்லியமானதை
தென்றலும் தீண்டலாகாது – ஏனெனில்
புயலை உருவாக்கலாகாது

ஒய்யாரக் கொண்டையில்
ஊழலை மறைக்க
ஊரெல்லாம் நாறுதே
“உத்தமன்” வில்லனானே

மூப்பெய்தியது துலாக்கோலென
மரியதையாய் அனுப்புவோமா?
முச்சந்தியில் நிறுத்தி
முத்தான தீர்பளிப்போமா



கொற்றவனை வென்றவளே

சிலையே செந்தமிழே சிற்பியாய் செதுக்கவா கலையா நினைவுகளில் காதலைச் சொல்லவா இலைமறை காய்போல இச்சொந்தம் இருக்குமோ மலைநாடன் மாலையிட மாநிலம் அறியுமே...