ஆதார் அட்டை

ஆதார் அட்டை

அட்சயப் பாத்திரமா?

ஆட்காட்டி பத்திரமா?

கண்ணின் கருவிழி

காமிராவில் பிடிக்கிறான்

களவாடினாயா நீ

பத்துவிரல் ரேகையை

பதித்து பாதுகாக்கிறான்

பாகிஸ்தான் ஆளா நீ?

காஸ் இணைப்புக்கு

கையில் காசென்கிறான் - அட

காச நீதானே கொடுக்கிற

வங்கி கணக்கிற்கு

வசதி படுமென்கிறான் – இப்ப

கஷ்டமா படுகிறாய்?

ரேஷன் மானியம்

நேரடியா வருமாம் – அட

நீரா ராடியாவுக்குமா?

கொடுத்த பணத்தை

எடுத்துக் கொடுத்தா

கடன்தானே கழிந்தது

நாளொரு இடம்

பொழுதொரு வாழ்க்கை

புரட்டிடும் திரட்டிடும் அட்டை

சொத்து வாங்கிட

விவாகரத்து செய்திட – அரசு

அனைத்தும் அறிந்திடும்

ஒவ்வொரு நடவடிக்கையும்

ஒவ்வொரு நாளும் – அட்டை

ஒற்றனாய் தொடரும்

விழித்துக் கொள்ளடா!

வேண்டாம் வேண்டாம் – இந்த

ஆதார் அட்டை

கலியுகம்

திரேதா யுகத்தில் இராமன் இராவணனை வென்ற பின் சிவனை வழிப்பட்ட இடம் இராமேஸ்வரம்,

அவதாரங்கள் பல எடுத்த விஷ்ணு கலியுகத்தில் சிவனை காண மீண்டும் வராக அவதாரம் கொண்டு இராமேஸ்வரம் கோயில் சென்றதாகவும், பக்தகோடிகள் மிரண்டு போனதாகவும் அதனால் வராக அவதாரமும் மிரண்டதாகவும் செய்தி

அத்தோடு செய்தி முடியவில்லை

இராமனால் வழிப்பட்ட சிவனை இரண்டு வாசல் கடந்து பார்க்க முடியவில்லை வராக அவதாரத்தால்.

அதற்கே தீட்டு பட்டதாக கோயிலை மூடி பரிபாரம் செய்தனராம் சிவாச்சாரியர்கள்

வராக அவதாரம் எடுத்து உள்ளே நுழைந்ததே தீட்டு என்றால் மாம்ச மனிதா நீ நுழைந்தாலும் தீட்டு என்றுதானே கருவறைக்கு வெளியே நிறுத்தப்படுகிறாய்.

பன்றி நுழைந்து விட்டது இராமேஸ்வரம் கோவிலில்

மக்களிடம் மூட நம்பிக்கையில்லை அது அவதாரம் இல்லை பன்றி என கண்டுபிடித்து விட்டனர்.

ஆனாலும் தீட்டு.............................

மாற்று தீர்ப்பு எழுதுங்கள்

ஒன்றோடு
ஐந்தென்றால்
முறையாகுமா?

கன்றோடு
காளையென்றால்
நன்றாகுமா?

எட்டும்
நாற்பதும்
இணையாகுமா?

ஏமனில்
எட்டில் திருமணமாகி
எமனை கண்டாள்

இருபதில்
இந்திய தலைநகரில்
இல்லாமல் போனாள்

அகிலமெங்கும்
அவதிபடுவது
பெண்தான்

காமம்
கரு உருவாக
கருவறுக்கல்ல

மிருகமாய் புணர
மனித உயிரதெற்கு
மரித்து போகட்டுமே

மதமா
மழழையை
மணப்பெண்ணாக்கியது

மானுடமே
மழழையை, மாதை
மாற்றி பார்க்குது

மரண தண்டனை
மாற்றம் தருமோ
மனித சமுகத்திலே

நேற்று இன்றென
நெடுங்கதையாய்
தொடர்வதால்

மாற்றி சிந்திப்போம்
வெட்டி விடுவோம்
வேண்டாத உறுப்பை

ஆம்
காயடிப்பது
மிருகத்திற்குதான்

ஏலம் நான்கு கோடி...........ஒரு தரம்.........

முதுநிலை மருத்துவ படிப்பு சீட்டுக்கு ஏலம் நடத்துகிறார்களாம். இருக்கும் ஆறெழு சீட்டுக்கு அகப்பட்டவனிடம் பேரம் பேசுகிறார்கள்.  அவன் 4 கோடி தருகிறேன் எனும் போது நீ கூடுதலாக கொடுத்தால் உனக்கு இடம் என்கிறான்.

ஆக 4 கோடி முதலீட்டில் படிப்பவனின் சேவை எப்படி இருக்கும்.

இரண்டு ஆண்டுகளுக்கு முன்பு வரை நிர்ணயிக்கப்பட்ட விலை ஒரு கோடி இன்று ஏலம் நான்கு கோடி அதுவும் ரேடியாலஜி படிப்புக்கு

தேர்வு எழுதியவன் படிக்க முடியாமல் இருக்கிறான். பணம் வைத்திருப்பவன் "பாஸாக" படிக்கிறான்

இளநிலையே 50 இலட்சத்திற்கு போகும் போது முதுநிலை அப்படிதான் என்கிறார்கள்.

ஏன் இப்படி

தேவையோ இல்லையோ, ஒரு SCAN, MRI. 3D Scan, 64 slice இப்படி கமிஷனுக்கு எழுதி தள்ளினால் போதும் கஜானா நிறைந்து விடும்.

சோதனைக்கு இங்கு எலிகள் 130 கோடிக்கு தாண்டி போய் கொண்டிருக்கிறதே.

கோக் இந்தியாவிற்கு வரும் போது சொன்னான். 100 கோடி மக்களில் ஒரு கோடி பேர் தினம் கோக் வாங்கினால் போதும் என்று.  அதே " formula" இங்கேயும்.  அதனால்தான் ஏலம் நான்கு கோடி

99.9 எடுத்தவன் அரசு கோட்டாவில் இடம் கிடைத்து விடும்.  இப்போதும் 99.9 கூட்டம் அதிகமாகி விட்டது. 96%  எடுத்தாலும் இடம் கிடைப்பது குதிரை கொம்பு.

75% எடுத்தவன் பணம் கொடுக்க தயாராகி விட்டான். 

பல் மருத்துவம், அதுவும் விலைதான். பல் வலிக்கு உப்பை தேய்த்து குணமாக்கியவன்.  இப்போது மருத்துவரிடம்.  மீண்டும் மேலே சொன்ன formula.

பெண்கள் BDS படிக்கிறார்கள்.  எத்தனை பேர் அதில் மின்னுகிறார்கள். 

MDS. இதற்கு தனி விலை அதுவும் இலட்சங்களில்தான்.

இப்பொழுதெல்லாம் இளநிலை அதாவது வெறும் MBBS என்றால் மதிப்பில்லை கூடுதலாக ஒரு டிப்ளமோ, அல்லது MD அல்லது FRC இப்படி தகுதிகள் தேவை படுவதாக இவர்களாக நினைத்துக் கொள்கிறார்கள்.

மருத்துவம் சேவை என்பதிலிருந்து பணம் காய்க்கும் மரமாக மாறி விட்டதால்தான் முதலாளிகள் இதற்கு வந்து விட்டனர்.  அரசு கை கழுவி விட்டது.

பிறகு, திருமண பேரத்திற்கு கூடுதல் தகுதி

சோதனைக்கு தன்னையே அர்பணித்து மருத்துவத்தில் பல்வேறு கண்டுபிடிப்புகளை நாட்டுக்கு அர்பணித்த மக்கள்  இல்லாமல் போய் விடலாம்.

ஆனால் அங்கொன்றும் இங்கொன்றுமாய் அவர்கள் இந்த சமூகத்தை காப்பார்கள் என்ற நம்பிக்கை மட்டும் பொய்த்து விட வில்லை

வீரமா?.............................

கற்கை நன்றே; கற்கை நன்றே;
பிச்சை புகினும் கற்கை நன்றே

பிச்சை எடுக்கும் நிலை உனக்கு ஏற்பட்டாலும் கற்றலை விட்டு விடாதே, கற்பது நன்று என வெற்றிவேற்கை கூறுகிறது

ஒரு குறும்படம் பார்க்க நேரிட்டது. 

ஏழ்மையான குடும்பம், நிலையற்ற வருமானம், அடுத்தவேளை சோறு கேள்விகுறி. பெண் குழந்தையை வகுப்பில் ஆசிரியர் வெளியே துரத்துக்கிறார். வீட்டின் நிலை கடன் வாங்கவும் தாய் தவிக்கிறார்.  ஆயினும் பிள்ளையை தூண்டுகிறார். பெண் பிள்ளையோ தன் சேமிப்பை அம்மாவிற்கு கொடுத்து உதவுகிறது.  ஆனால் தனக்கு வேண்டிய Geometry box வாங்க, கோயில் வாயிலில் அமர்ந்து பிச்சை எடுத்து வாங்கி ஆனந்தப் படுகிறது.

எதிர்மறையாக படம்பிடித்து கல்வி கற்க போராடும் நிலையை சொல்லியுள்ளார். இந்த நிலை யாருக்கும் வரக்கூடாது என்றும்.................................

ஆனால்

காசுள்ளவனுக்கு கல்வி என்னும் நிலையில் வாழ்கிறோம்

கல்வி அடிப்படை உரிமையன்றோ மனிதனுக்கு

ஆனால், அதை பிச்சை எடுத்தாவது படி என்ற நிலையில் உள்ளது. குறும்படம் பார்த்து கலங்கிய உள்ளங்கள், என்ன செய்ய முடியும், நாலு சொட்டு கண்ணீர்......

இதை எப்படி மாற்றுவது, பணமில்லாதவன் படிக்க முடியாது, கோடிகளில் புரள்பவன் படிப்பது மருத்துவம், இலட்சங்களில் பொறியியல், ஆயிரங்களில் கலை மற்றும் அறிவியல்.

நூறுகளில் வாழ்பவன், எட்டு, பத்தை தாண்டுவதில்லை

வாழ்வில் கடைத்தேற வாய்த்ததை படித்துவிட்டு பகற்கனவு காணுது கூட்டம்.

ஆயினும் அவரவருக்கு ஒரே நாளில் பணக்காரனாக வேண்டுமென ஆசை. அதனால்தான் சூழற்சி முறையில் ஈமு கோழித் திட்டத்தை கடந்து வந்திருக்கிறான்.

 கல்வி என்பது தனிபட்ட உரிமையா? அரசுக்கு இதில் பங்கு இல்லையா, தன் குடிகள் கற்றவர்களாக இருக்க வேண்டும் என எண்ண கூடாதா? அப்படியெனில் அரசின் வேலை குடிகளிடம் வரி வசூலிப்பது மட்டுதானா?

காலை எழுந்தவுடன் துலக்கும் பற்பசையிலிருந்து இரவு படுக்கும் மெத்தை வரை வரிசெலுத்தும் மக்கள் தான் விரும்பிய படிப்பை பிச்சை எடுத்துதான் படிக்க வேண்டும். அதற்கு வள்ளல்கள் வேண்டுமா?

ஏன் இந்த தனியார் மயம்?  யார் வாழ கல்வி தனியார் மயமானது. எதற்கு பிச்சை எடுத்து படிக்க வேண்டும்.  வரி வாங்கும் அரசல்லவா படிக்கவும் வசதி செய்து தரவேண்டும்.

அப்படி கொடுக்காத அரசு என்ன அரசு, பிச்சை எடுத்து படித்துக் கொள் என்று சொன்னால், எத்தனை பேர் பிச்சை எடுப்பான்.

அப்புறம் பிச்சைக்கார நாடு இந்தியா என்பான்

இதை நான் சொல்லவில்லை

அப்போ குறும்படம் எப்படி இருக்க வேண்டும்.  இப்போது அவர் சொல்லட்டும்

டாலரும் ரூபாயும்

இது எனக்கு வந்த மின்னஞ்சல், படித்து உங்கள் கருத்துக்களையும் சொல்லுங்கள்.

Real story of American Dollar v/s Indian Rupee....................

An Advice to all who are worrying about fall of Indian Rupee

Throughout the country please stop using cars except for emergency for only seven days (Just 7 days)

Definitely Dollar rate will come down. This is true. The value to dollar is given by petrol only.This is called Derivative Trading. America has stopped valuing its Dollar with Gold 70 years ago.

Real story of American Dollar v/s Indian Rupee

Americans understood that Petrol is equally valuable as Gold so they made Agreement with all the Middle East countries to sell petrol in Dollars only. That is why Americans print their Dollar as legal tender for debts. This mean if you don't like their American Dollar and go to their Governor and ask for repayment in form of Gold,as in India they won't give you Gold.

You observe Indian Rupee, " I promise to pay the bearer..." is clearly printed along with the signature of Reserve Bank Governor. This mean, if you don't like Indian Rupee and ask for repayment,Reserve Bank of India will pay you back an equal value of gold.(Actually there may be minor differences in the Transaction dealing rules, but for easy comprehension I am explaining this)

Let us see an example. Indian petroleum minister goes to Middle East country to purchase petrol, the Middle East petrol bunk people will say that liter petrol is one Dollar.

But Indians won't have dollars. They have Indian Rupees. So what to do now? So That Indian Minister will ask America to give Dollars. American Federal Reserve will take a white paper , print Dollars on it and give it to the Indian Minister. Like this we get dollars , pay it to petrol bunks and buy petrol.

But there is a fraud here. If you change your mind and want to give back the Dollars to America we can't demand them to pay Gold in return for the Dollars. They will say " Have we promised to return something back to you? Haven't you checked the Dollar ? We clearly printed on the Dollar that it is Debt"

So, Americans don't need any Gold with them to print Dollars. They will print Dollars on white papers as they like.

But what will Americans give to the Middle East countries for selling petrol in Dollars only?

Middle East kings pay rent to America for protecting their kings and heirs. Similarly they are still paying back the Debt to America for constructing Roads and Buildings in their countries. This is the value of American Dollar. That is why Many say some day the Dollar will be destroyed.

At present the problem of India is the result of buying those American Dollars. American white papers are equal to Indian Gold. So if we reduce the consumption of petrol and cars, Dollar will come down

The Above Details are translated originally from Telugu Language to English by Radhika Gr.

Kindly share this and make everyone aware of the facts of American Dollar V/s Indian Rupee.

And here is a small thing other than petrol , what we can do to our Indian Rupee

YOU CAN MAKE A HUGE DIFFERENCE TO THE INDIAN ECONOMY BY FOLLOWING FEW SIMPLE STEPS:-

Please spare a couple of minutes here for the sake of India.

Here's a small example:-

Before 12 months 1 US $ = INR Rs 39

After 12 months, now 1 $ = INR Rs 62

Do you think US Economy is booming? No, but Indian Economy is Going Down.

Our economy is in your hands. INDIAN economy is in a crisis. Our country like many other ASIAN countries, is undergoing a severe economic crunch. Many INDIAN industries are closing down. The INDIAN economy is in a crisis and if we do not take proper steps to control those, we will be in a critical situation. More than 30,000 crore rupees of foreign exchange are being siphoned out of our country on products such as cosmetics, snacks, tea, beverages, etc. which are grown, produced and consumed here.

A cold drink that costs only 70 / 80 paise to produce, is sold for Rs.9 and a major chunk of profits from these are sent abroad. This is a serious drain on INDIAN economy. We have nothing against Multinational companies, but to protect our own interest we request everybody to use INDIAN products only at least for the next two years. With the rise in petrol prices, if we do not do this, the Rupee will devalue further and we will end up paying much more for the same products in the near future.

What you can do about it?

Buy only products manufactured by WHOLLY INDIAN COMPANIES. Each individual should become a leader for this awareness. This is the only way to save our country from severe economic crisis. You don't need to give-up your lifestyle. You just need to choose an alternate product.

Daily products which are COLD DRINKS,BATHING SOAP ,TOOTH PASTE,TOOTH BRUSH ,SHAVING CREAM,BLADE, TALCUM POWDER ,MILK POWDER ,SHAMPOO , Food Items etc. all you need to do is buy Indian Goods and Make sure Indian rupee is not crossing outside India.

Every INDIAN product you buy makes a big difference. It saves INDIA. Let us take a firm decision today.

we are not anti-multinational. we are trying to save our nation. every day is a struggle for a real freedom. we achieved our independence after losing many lives. they died painfully to ensure that we live peacefully. the current trend is very threatening.

multinationals call it globalization of indian economy. for indians like you and me, it is re-colonization of india. the colonist's left india then. but this time, they will make sure they don't make any mistakes.

Russia, s.korea, mexico - the list is very long!! let us learn from their experience and from our history. let us do the duty of every true Indian. finally, it's obvious that you can't give up all of the items mentioned above. so give up at least one item for the sake of our country!

கணணியும் நானும்

கணணி பற்றிய அறிவு/கேள்வி ஞானம் நமக்கு எப்போது வந்தது என சுத்தமாக ஞாபகமில்லை. 1989 அல்லது  1990 ஆக இருக்க வேண்டும்.   நான் வேலை பார்த்து வந்த தொழிற்சாலைக்கு அருகில் இன்னொரு தொழிலகம் இருந்தது.   கணணி மூலம் இரும்பை  துல்லியமாக அறுக்கும் என அங்கு பணிபுரியும் நண்பர் சொன்னார்.  அவர் நான் பணிபுரியும் தொழிலகத்திற்கு இரும்பில் துளையிட வருவார்.   அதை பார்க்க வேண்டும் என்ற எனது விருப்பத்தை சொன்னேன். அது CNC தொழில் நுட்பத்தில் இயங்கும் இந்திரம். ஒரு மாலை நேரத்தில் அழைக்க, சென்று பார்த்தேன்.  குளிரூட்டப்பட்ட ஒரு அறையில் இயங்கிய அந்த கருப்பு வெள்ளை கணணியை கண்டேன்.

நெருங்கிய நண்பன் சிவகுமார் NITT யில் 1992 ல் சேர்ந்து கணணி தொடர்பாக படிக்கும் போது, அவனை கேள்விகணைகளால் துளைத்தெடுத்தேன்.  கணணி என்னவெல்லாம் செய்யும், நாம் என்ன செய்ய வேண்டும்.  அவன் சற்று பிகு செய்து கொண்டான்.  ஆயினும் நமக்கு படிப்பதற்கெல்லாம் அப்போது வசதியில்லை.   C, C++, Cobal, Foxpro.    ஆம் இதெல்லாம் என்ன?

முதுகலை வணிக மேலாண்மை படிக்கையில் ஒரு பாடமாக இந்த C++ programme  எழுதி தேர்ச்சி பெற்றது வேறு விடயம். இன்று C++ என்ன என்று கேட்டால் நிச்சயமாக தெரியாது.

1996 ல் என ஞாபகம் எனது நண்பன் வெங்கடேசன் கணணியில் கடிதம் அடிப்பதை கற்றுக் கொடுத்தான்.   DOS  application போய்  windows 3.1  வந்த நேரம் என நினைக்கிறேன்.( window வில் தட்டச்சு செய்வது எளிதாக இருந்தது) Lotus 123, spread sheet, word இதை Dot Matrix printer ல் அச்சாகி வரும் போது பார்த்ததும், இப்போது lazer jet ல் அச்சாகி வரும் வேகத்தை பார்க்கும் போதும் வளர்ச்சி நன்றாகவே புரிகிறது.

1997 ல் கணணி இருக்கும் அலுவலகத்தில் வேலை.  ஆனால் அதை உபயோகிக்கும் நண்பர்கள் நம்மை உள்ளே அனுமதிக்கவே இல்லை.  அங்கே ஒரு நண்பரை தாஜா செய்து உணவு இடைவேளையின் போது உள்ளே நுழைந்து வண்ணமயமான அந்த பெட்டியை பார்த்தேன்.  எல்லோரும் EDP அறையில் நுழைகிறார்கள் என்று புகார். 

ஒரு கணணியின் விலை ரூ.70000 லிருந்து வேகமாக இறங்கி கொண்டிருந்த நேரம்.  நாமும் ஏன் ஒரு கணணி வாங்க கூடாது என்ற எண்ணம் துளிர் விட்டது. 

நாம் ஒரு கணணியை வாங்க வேண்டும் என்ற விருப்பத்தை  நண்பர்களிடம் பகிர்ந்து கொண்டேன்.  பாபு எனும் நண்பன், அவனின் நண்பனிடம் சொல்லி ஏற்பாடு செய்வதாக சொன்னான்.  அந்த நண்பர் மிகப் பெரிய நிறுவனத்தில் கணணி maintenance engineer.  உபயோகப்படுத்த இயலாது என்று சொல்லி கழித்து நமக்கு ஒரு கணணி ஏற்பாடு செய்து விட்டார். 

colour monitor என்றால் விலை கூடுதல், CD player  என ரூ. 10000 செலவில் வீட்டிற்கு ஒரு கணணி வந்து இறங்கியது 1998 இறுதியில் என நினைக்கிறேன்.

Hyundai  colour monitor, Pentium 100, 16 MB  RAM, 2GB HDD, CD player, Speaker. இரவும் பகலும் கணணியோடுதான்.  சிவக்குமாரை கூட்டி வந்து காண்பித்தேன்.  பாபுவின் அறிமுகமே சிவக்குமாரால்தான்.

நமக்கு அலுவலகத்திலும் ஒரு கணணி கிடைத்து விட்டது அதுவும் 1998 இறுதியில்.  மறுபடியும் நண்பன் பாபுதான் உதவி.  இணையம் பற்றிய அறிவு அவனிடமிருந்துதான் பெற்றேன்.  கணக்காளான் என்பதால் அலுவல் தொடர்பான tally கற்றுக் கொள்ள வேண்டும் என அவா.  அதுவும் பாபுதான் கற்றுக் கொடுத்தான்.  பிறகு பட்டாபிராமன் எனும் இன்னொரு நண்பன் வளர்த்தெடுத்தான்.  ஆக எந்த பயிற்சி நிலையமும் செல்லாமல் கணணி கற்றுக் கொள்ள ஆரம்பித்தேன்.

இமெயில் வசதி அலுவலகத்தில் இல்லை, ஒரு மணி நேரத்திற்கு அப்போது ரூ.25 வசூலிப்பார்கள்.   நண்பன் பாபு மூலம் நான்கு எழுத்தில் rediffmail ல் ID தொடங்கினேன்.  இன்று வரை இருக்கிறது.  வலையில் மேய மாதம் ரூ. 150 செலவு. அலுவலகத்தில் ஒரு மோடம் வாங்கினேன்.  வீட்டிற்கு ரூ.3200 செலவில்  D-link மோடம் வாங்கினேன்.

இந்த நேரத்தில்தான் southindia.com  ல் discussion forum என்ற பிரிவில் விவாதங்கள் நடந்து கொண்டிருந்தன.  அதில் நாமும் பங்கு கொண்டோம். முகம் தெரியாதவர்களோடு விவாதம். இனிமையாகதான் இருந்தது. சில மாதங்களில் அந்த வசதி அந்த தளத்தில் இல்லை. 

1983-84 தமிழ் தட்டச்சு பயின்றதால், கணணியில் தமிழில் தட்டச்சு செய்ய அவா கொண்டு, அது தொடர்பான மென்பொருள் தேடியலைந்தது தனிக்கதை…..

கால ஓட்டத்தில் 2007 ல் ஒரு மடிக் கணணி வாங்க நேர்ந்தது.  கணணியை மின்னஞ்சல் பார்ப்பதற்கும், வேறு அலுவலக உபயோகத்திற்கு மட்டுமே பயன்படுத்திக் கொண்டிருந்தேன்.

2009 மத்தியில் கூக்குளாரிடம் ஏதோ கேட்டுக் கொண்டிருந்தேன்.  அப்போது 1998 இறுதிவாக்கில் விவாதம்செய்த Discussion forum நினைவு வர தேடினேன், வந்த விழுந்தன வலை தளங்கள்.  நமக்கு ஒரு தளம் எப்படி செய்வது    என தேடி, 2009 இறுதியில் நமது பெயரில் பதிந்த  முதல் படைப்பு  http://velvetri.blogspot.in/2009/12/86-30-60-2-1.html

தருமி அய்யா அவர்கள் எனது அனுபவத்தை எழுத அழைத்ததால் இங்கே இதை பதிவு செய்கிறேன்.  அவரும் அடியேனும் ஒரே கிராமத்தை சேர்ந்தவர்கள்.  ஆனால் இங்குதான் (வலையில்) நாங்கள் அறிமுகமானோம்.  எங்களுடைய வேர் இறுக காரணம் சொந்த கிராம பற்று என்றாலும், பல்வேறு கருத்துக்களில் அவரின் எண்ணங்கள் எனக்கும் ஏற்புடையது என்பதால் வேர் இன்னும் இறுகி இருக்கிறது.

நடை பழகு

பழகு

நடை பழகு

நலம் பேண 

நடை பழகு

நாலாறு மாதத்தில்
நடை பழகுவதும்
நாற்பதில் பழகுவதும்
நடக்க தெரியாததால்          (பழகு)

நடை பழக

காரணம் பலபல
விடை எதுவாயினும்
விடாமல்                               (பழகு)

நடை பழக

சாலை வழியோ

பூங்காவோ

இயந்திரமோ                  (பழகு)

வீதிவழி நடக்க
பாதி முகவரி
பார்க்கலாம்
மீதி தேட                           (பழகு)

அக்கம் பக்கமுள்ள
தெருக்களும் தெரிய
நாளொரு பாதையில்
நடையாய் நடந்திடு     (பழகு)

நாற்பதை கடந்தவர்
எடையை குறைப்பவர்
நோயை விரட்டுபவர்
நடையால் தீர்த்திடுவர்  (பழகு)

மாதர்தம்
மாத சுழற்சி
மாறி மாறி
மாறாமல் வர                     (பழகு)

உன்னை குறைக்க
எண்ணையை குறைக்கனும்
எனினும்
எடை குறைய                     (பழகு)

நினைத்த நேரத்தில்
நீட்டவும் ஒடுக்கவும்
நிணமும் சதையும்
நெளியும் கம்பியில்லவே     (பழகு)

நடையா - இது
நடையா என
நடைபல காண
நட - பூங்காவில்                  (பழகு)

முகம்பல பார்த்து
அகமும் மகிழ
வேகம் கூட்டி
வேடிக்கையாய் நடந்திட (பழகு)

பூமுடிக்க இருப்பவளும்
புதுபெண்ணாக போறவளும்
பூங்காவில் - நடை
போகும் அழகை காண          (பழகு)

உடலுழைப்பில்லா
உலக ஓட்டத்தில்
எடையும் - மன
அழுத்தமும் குறைய            (பழகு)

கண்ணுக்கு விருந்தாய்
கவலைக்கு மருந்தாய்
கால்களும் துவளாது
காலை மாலை                    (பழகு)

மாலையின் வேலை

மாலைநோய் செய்தல் மணந்தார் அகலாத

காலை அறிந்த திலேன் 

                                                                                                                     குறள் 1226

அறியேன்
 மாலை - எனை
 கொல்லும்  வேளை - என

 மணவாளன் உடனிருந்த
 மாலை யெல்லாம்
 மகிழ்ந்த வேளையால்

நாய்க்கன் கொட்டாய் காதல்

இச்சாதியில் பிறக்க
….இடைச்சாதிக் கண்ணன் அருளோ
பொஞ்சாதி யாயிருக்க
….பெண்ணாய் இருத்தல் போதாதோ
எச்சாதியா இருக்கட்டுமே
….என்னிணை அவனாகக் கூடாதோ
என்சாதிக் கௌரவம்
….எங்களைப் பிரிக்க மீண்டிடுமோ


மனித உயிர்கள்
….மனதால் இணையக் காதல்
இனிய மலர்கள்
….இல்லறம் காண வாழ்தல்
கனிந்த இதயத்தை
….கல்லெறிந்து தாக்கச் சிதைத்தல்
ஏனிந்த ஆயுதத்தை
….ஏற்றன சாதி அரசியல்


தாழ்ந்தவன் இவனென
…..தமுக்க டிக்க யாரிவன்
தோழனை தேர்ந்தேடுத்தே
…..துணையாய் வாழ்தல் தவறோ
வாழ்வை தொடங்க
….வாழ்வழித்த சாதிவெறி – அதனை
வீழ்த்த என்னவழி
.....வீணான சாதியை விட்டொழி

மைனர் குஞ்சுகள்

நகைச்சுவைக்காக ஒரு படத்தில் மைனர் குஞ்சு முன்பணத்தை பஞ்சாயத்தில் செலுத்தி பெண்களை கெடுத்துக் கொண்டிருப்பான்.

ரூ.100 கோடி அபராதம் செலுத்திவிட்டு நச்சு வாயுவை வெளியிடும் "ஸ்டெர்லைட்"  எனும் தாமிர உருக்கு ஆலையை தூத்துக்குடியில் இயங்க உச்சநீதிமன்றம் அனுமதி அளித்துள்ளது.

மகாரஷ்டரத்தின் ரத்தினகிரியில் விரட்டப்ட்டு, கோவாவில் இந்நிறுவத்தின் கட்டுமானங்கள் முடிக்கப்பட்ட நிலையில் நீலேஷ் என்பவரின் உயிர் பலியால்  தூத்துக்குடிக்கு 17 ஆண்டுகளுக்கு முன்பு சிவப்பு கம்பள வரவேற்பு அளிக்கப்பட்டது இந்நாள் தமிழக முதல் அமைச்சரால்.

தமிழ்நாட்டின் உயர்நீதி மன்றம் இந்நிறுவனத்தை மூடச் சொல்லி உத்தரவிடுகிறது. இந்தியாவின் உச்சநீதி மன்றம் 1300 தொழிலாளி வேலையிழப்பான் அதனால் மூடவேண்டாம் என்கிறது. 5 லட்சம்              மக்கள் உயிரிழந்தால் பரவாயில்லை என எண்ணுகிறதோ உச்ச நீதி மன்றம்.

போபால் விஷவாயு கசிவிற்கே இன்னும் சரியான நிவாரணம் வழங்க வில்லை.

இந்நிறுவனம் மைனர் குஞ்சு என்பதற்கு, இதன் முதன்மை நிறுவனமான "வேதாந்தா"  நியாம்கிரி மலையில் வெட்டி எடுக்கப்படும் அலுமினியத்திகாக என்ன செய்தது.  அங்குவாழும் மலைவாழ் மக்களை காட்டை விட்டு விரட்டியது.

பஞ்சாயத்து செய்த கட்சிகளுக்கு ஏற்கனவே தேர்தல் நிதி கொடுத்துவிட்டது.

மைனர் குஞ்சை என்ன செய்யலாம்.

விவேக் மாதிரி ...............................................

இந்தியாவில் அறிவில்லை

அலுவல் தொடர்பாக பெங்களூரு சென்று இரவு இரயிலில் திரும்பு போது எதிர் இருக்கையில் ஒரு அயல் நாட்டவர் அமர்ந்தார். அவரிடம் பேச்சு கொடுத்தேன்.    பிறப்பால் இரானியர், பெற்றொருடன் கனடாவில் குடி பெயர்ந்து விட்டார்.

சரி, இங்கே என்ன செய்கிறீர்கள் என்றேன்.  இந்தியாவில் தமிழகத்தில்தான் பணிபுரிகிறேன் என்றார்.

என்னடா இங்கே வேலையில்லா திண்டாட்டம் இருக்கும் போது கனடாவிலிருந்து வேலைக்கா இங்கே வந்து தங்கி பணிபுரிவதா? மகிழ்ச்சியாக இருந்தாலும் ஆச்சிரியம்.

எங்கே? என்ன வேலை என்றேன்.

அடையாறில் வேலை, பெசன்ட் நகரில் வாசம்,

அமெரிக்காவை சேர்ந்த (NGO) தன்னார்வ தொண்டு நிறுவனம், தமிழக அரசிற்கு யோசனை சொல்கிறதாம்.  என்னவென்றா?

நகரை நிர்ணமானிக்க!  2020 வல்லரசாக மாற வேண்டாமா? அதற்கு

திட்டுமிடுதல்-  சாலை, கட்டிடங்கள் போன்ற பெருந் திட்டங்கள் எப்படி செயல்படுத்த வேண்டும் என்று அரசு ஆலோசனை சொல்வதுதான் அந்நிறுவனத்தின் வேலையாம்

சாம் எனும் அவருக்கு இந்தியா மீது பற்றுதல் வேறு அதனால் கடந்த இரண்டு மாதங்களாக இந்தியா வல்லரசாக உழைக்கிறார்.

அதாவது அவர் வார்த்தையில் எதிர்காலத்தை திட்டமிடுகிறார்கள்.

அறிவாளிகள் எல்லாம் அமெரிக்க போய்விட்டதால்.  அமெரிக்க அறிவாளி இந்தியாவை வளமாக்க வந்துவிட்டார்.

வரவேற்போம். வாழ்த்துவோம். தமிழன் பண்பாடு